MCTS

Microsoftdan olingan ilk sertifikat. Imtihonni 20-iyulda topshirgan edim.

Ўзбекистон

Водийларни яёв кезганда,
Бир ажиб хис бор эди менда . . .
Чаппар уриб гуллаган боғин,
Ўпар эдим Ватан тупроғин.
Одамлардан тинглаб ҳикоя
Ўсар эди шоирда ғоя.
Дарёлардан куйлаб ўтардим,
Эртакларга қулоқ тутардим.
Хаммасини тинглардим, аммо,
Ўхшашини топмасдим, асло.
* * * * *
Ўхшаши йўк бу гўзал бўстон,
Достонларда битган гулистон,
Ўзбекистон дея аталур,
Уни севиб эл тилга олур.
Чиройлидир гўё ёш келин,
Икки дарё ювар кокилин.
Корли тоғлар турар бошида,
Гул водийлар яшнар кошида.
Чор атрофга ёйганда гилам,
Асло йўқдир бундайин кўклам.
Тоғлардаги қип-қизил лола
Бўлиб худди ёқут пиёла,
Булоқлардан узатади сув,
Эл кўзидан қочади уйқу.
Далаларда бошланади иш,
Бошланади ижод ва турмуш.
Кундан-кунга ўсади пахта,
Барг чиқади хар бир дарахтда.
Олмазорлар гулин тўкади,
Мева боғлаб шохин букади.
Шаҳарларда ишга чиқиб эл,
Одам билан тўлар Текстиль.
Ҳаммасининг бир истаги бор,
Ҳаммаси хам хурсанд, бахтиёр.
Бу ўлкада ҳар нарса бордир,
Кўрмаганлар доим хумордир.
Аму билан Сирдан сув ичган,
Зарафшонни лойлатиб кечган
Чавандозлар бордир бу элда.
Баҳор чоги пишқирган селда,
Арғумоклар қўшиғи бордир,
Бу шундайин ажиб диёрдир.
Даласида ўсмас тиконлар,
Чўлларида чопмас илонлар,
Қуш учганда куймас қаноти,
Одам ўтса қуримас зоти.
Чанқов қолиб йўловчи ўлмас,
Ҳар бурчакда бошкесар бўлмас.
Кулбаларни келиб босмас қум,
Гўдакларни ютмас оч ўлим.
Одамларга бахт-толе ёрдир,
Бу шундайин ажиб диёрдир.
* * * * *
Бунда булбул китоб ўқийди,
Бунда қуртлар ипак тўқийди,
Бунда ари келтиради бол,
Бунда қушлар топади иқбол,
Бунда қорнинг тагларида қиш,
Баҳор учун сўйлайди олқиш.
Бир ўлкаки ҳуснга бойдир,
Унинг энг зўр кўзгуси ойдир.
Бир парча ўт бўлиб бунда кун
Пахтасига ишлайди хар кун.
Ботирлари канал қазийди,
Шоирлари ғазал ёзади,
Куйчилари ўқийди ялла,
Жувонлари айтади алла.
Пазандаси ёпади ширмон,
Қарилари кутади меҳмон.
Бу шундайин ажиб диёрдир. . .
* * * * *
Шундай ўлка доим бор бўлсин,
Шундай ўлка элга ёр бўлсин.
Омон бўлсин оғайнилари,
Омон бўлсин дўстларнинг бари.
Доим бўлсин ўлкаси омон,
Шундай бўлсин бу бутун жаҳон.
* * * * *
Шафтолизор боғларни кўрдим,
Гул кўкарган тоғларни кўрдим.
Меҳр қўйиб ўпган сари оқ,
Оппоқ бўлди бу азиз тупроқ.
Водийларни яёв кезганда,
Бир ажиб хис бор эди менда...

Ҳамид Олимжон.

PS.: Айём муборак азизлар!

Toshkent bo‘ylab sayr yoki uParty-12 powered by HP

Bugun uForumchilar bilan Toshkent bo‘ylab sayrga chiqdik. :) Sayr bo‘yicha taklif mana bu mavzuda tushgan edi...

Sayrdan fotosuratlar:


Qolgan rasmlar bilan ushbu albomda tanishishingiz mumkin.

6 jiyanning tog‘asi :)

Ajoyib kun. Bugun yana bitta jiyanlik bo‘ldim!

Nur borki, soya bor...

Dunyoda yaxshi insonlar ko‘p... Lekin, yomonlar ham yetarlicha ekanligini unutmaslik kerak ekan...

Laptop Number One :)

Bugun blogda yozishga arziydigan kun. Nihoyat laptop sotib oldim! :) HP Pavilion dv4-1125nr. Anchadan buyon niyat qilib yurgan orzuim amalga oshdi. Hozir bu yozuvni ham aynan shu laptopdan yozayapman. 4 soatdan beri laptopda uning o‘zi bilan taqdim qilingan Windows Vista Home Premium SP1 (64 bit) dan foydalanaypaman. Kechroq Linux o‘rnatishga harakat qilaman. O‘ylaymanki Linuxda drayver muammosi bo‘lmaydi. Xullas, spetsifikatsiyalar quyidagicha: Intel Core 2 Duo T5800 2.0GHz CPU/2MB L2 Cache/4096MB RAM/250GB HDD/DVD RW/Intel GMA 4500MHD Integrated Video Card/14.1" Display/Web Cam/Remote control… va hokazo.
Yana ko‘proq HP rasmiy saytida o‘qishingiz mumkin.

Kamchiklaridan hozircha ko‘zga tashlanganlari: Laptopda bluetooth adapter va barmoq izini o‘qish uskunasi yo‘q. Bularning menga keragi ham yo‘q. :)



Xullas, xariddan xursandman!

Are My Sites Up?

Bugun yaxshi bir saytga duch kelib qoldim. Sayt "Are My Sites Up?" deb nomlanib, unga http://aremysitesup.com/ manzili orqali kirishingiz mumkin. Saytda ajoyob xizmat taqdim qilingan. Saytda ro'yxatdan o'tganingizdan so'ng u yerda o'z saytlaringizni kiritib qo'yishingiz mumkin.


Tizim sizning saytlaringizni ochilayaptimi - yo'qmi tekshirib turadi. Biror bir sabab bo'lib saytingiz ishlamay qolsa e-mail manzilingizga xabar ham jo'natadi. Buning hammasi juda oddiy va asosiysi bepul. Bundan oldin bir shunga o'xshagan tizimga duch kelganimda u pulli edi...